阿风彼双单纯的目睭内底，闪过一丝凶光，伫这个世界，除了师父就是五个师姐，是伊的亲人。
「戆囡仔！」
林婉菁心肝头一阵温暖，共阿风揽牢牢。
一阵清芳佮软Q的触感传过来，阿风攑头一看，对这个角度，彼对傲然，呈现伫阿风的视线内底。
阿风不由自主共头壳向落硩硩咧，心凉脾土开。
细汉的时阵彼款感觉……
「J恁娘，敢打恁爸，无论你是谁，我魏少龙正式宣布，你Si定矣。」
魏少龙的两个小弟，用衫仔共去予炸破的手骨包紮好势，扶魏少龙一摆一摆行出来，看着阿风犹咧共头壳埋伫林婉菁的傲然之物顶悬，伊气甲後层齿拢咬碎去，放刁。
「我无捌伊，这件代志佮伊无关系，有啥物代志冲我来！」
林婉菁惊甲共阿风捙开，想yu共伊脱罪。
内容未完，下一页继续阅读